新品開箱「空之雫」
- Bonnie Chan
- 7月24日
- 讀畢需時 1 分鐘
有同學話我知，PADICO出咗支新滴膠「空之雫」，賣點係佢嘅清透度。我見日本批發網已經上架，就買釓返來試試。開箱片可以留意返下面的連結：
今次的「空」，售價跟月之雫及星之雫一樣，都係走高質路線。過往只有日、月、星嘅時候，我都有用過晒三支膠，我對「阿日」嘅好感度係最高。原因係做出來嘅製成品，我無特別提，根本係分唔到。當然，係製作過程裡面，其實一倒出來，就算盲測（即係撕走晒樽身嘅包裝紙），你都會輕鬆分到日、月、星，但當成為製成品後，差異就真係唔大。
廠商有講過，日比月、與星係比較易變黃。但我工作室開咗四年，正式開始教滴膠三年，可能時間未夠長，暫時又唔覺我第一批做嘅作品會有變黃情況。我相信，黃唔黃，好睇你點放置件作品。假如係放窗邊，日日暴曬，我估計，PADICO未來出埋「鑽之雫」都搞唔掂。
綜合來講，我對太陽之雫依然係評價最高。因為平一截，但做到差不多嘅效果。之但係，假如我錢多，成本完全不在考慮之列，我會揀空之雫。因為消包效果比太陽之雫好，功夫做少好多。對於完全唔識消泡技巧嘅新手小白更加係相當友好。不過，若你同我一樣，識得消泡，又唔特別多錢燒的話，太陽之雫始終係我嘅首選。
留言